ADFA 2nd Div khel tur zawnna an ṭan

Aizawl DFA hnuaia Second Division-ah hmun ruak pali a awm a, nimin khan Lammualah Second Division khel tur zawnna playoff hi khelh ṭan a ni.

Nimin inkhelah group A aṭangin Muantea Memorial FC leh Reuben FC te an chak a, group khat aṭangin pakhat chauhin second round an lut dawn. Group B aṭangin Electric Veng FC leh Armed Veng ten hnehna an chang ve bawk.

Inelnaah hian team 30 an awm a, group pariatah ṭhendarh an ni. Group tin aṭanga a sang berin second round an lut ang a, team pariat hi group pahnihah ṭhenhran leh tur niin group khat aṭangin pahnih ve ve, Second Division khel turin an tling ang.

Inkhelh hun chhung hi minute 90 ni loin minute 80 a ni dawn a, halftime-a chawlh chhung pawh minute 15 ni loin minute 10 a ni.