Watford-ah Ignacio Pussetto

Watford chuan Udinese winger Ignacio Pussetto chu pound maktaduai 7-in an lalut a, kum li leh a chanve daih contract a ziak.

Kum 24 mi Pusetto hian kum 2018 khan an ram Argentina club Huracan aṭangin Italian club hi a zawm a, Serie A-ah match 50 khelin goal nga a khung. Udinese neitu Giam-paolo Pozzo hi Watford neitu Gino pa a nih avangin Pussetto-a'n English club a zawm hi a mak lo. Hornets hian tun season-a an manager pathumna ni turin Nigel Pearson chu December 7 khan an lalut a, Premier League match ngaah vawi li an chak avangin relegation zone an chhuahsan.