Chelsea-in Christopher Nkunku an la lut

Chelsea-in France striker Christopher Nkunku chu RB Leipzig aṭangin pound maktaduai 52-in an lalut. Kumin January thla khan English club leh German club te hian Nkunku chungchangah hian inremna an nei tawh a, French striker hian season tawp lam a hman ṭhat zui avangin Blues ṭantute tan player thar hi lawmna tham a tling.

Kum 25 mi Nkunku hian season liam ta khan Bundesliga-ah match 25 aṭangin goal 16 a khung a, France tan match 10 a khel tawh. Chelsea-in manager thar Mauricio Pochettino hnuaia an player lakluh hmasa ber a ni a, July 1 aṭangin Nkunku contract hi a nung ṭan ang.

Nkunku hian PSG tana khelh laiin Ligue 1 title pathum leh French Cup vawi hnih a chawi a, kum 2019 khan Leipzig a zawm. 2021-22 season khan league-ah goal 20 khungin assist vawi 15 a nei a, Bundesliga player of the season leh German PFA player of the season atan thlan a ni.

DFB Pokal final-ah Nkunku hian goal khungin Leipzig a champion pui a, Bundesliga-ah Leipzig hi pathumna a nihpui bawk. Nikum aṭang khan France tana khel tura koh a ni a, inhliam vangin World Cup-ah a inlan thei lo.