Man United nena sawi zawm Hojlund-a'n a pet goal

Thawhṭanni zan khan Denmark-in Slovenia an tlawh a, 1-1 in an inhnehtawk. Stožice Stadium-ah mualneituin Andraz Sporar hmangin minute 25-naah an khung hmasa a, Denmark-in minute 42-naah Rasmus Hojlund hmangin an sut.

Kum 20 mi Hojlund hi Atalanta tana khel lai a ni a, season liam ta khan Serie A-ah match 32 aṭangin goal kua a khung. Euro 2024 Qualifier-ah Hojlund hian goal ruk a khung tawh a, minute 56.7 dan zela pet goal ang a ni.

Nipui bazara striker lalut tura sawi Manchester United hi Harry Kane leh Victor Osimhen te nen sawizawm ni mah se an sum dinhmun vangin player langsar ber hi an lalut thei kher lo ang. Hemi a nih avang hian player man tlawm zawk tura ngaih Hojlund an dawr a nih pawhin a mak

lo ang.