Asian Games khel tur Lalhumhimi

Mizo nula Lalhumhimi chu Asian Games 2023-ah India aiawhin Judo team-ah a tel dawn, inelna hmachhawn tura a tlin thu hi Indian Olympic Association (IOA) hnen aṭangin lehkha a dawng tawh a ni.

April thla tir khan Asian Games atana India aiawh tur thlanna hi Judo Federation of India chuan a lo buatsaih tawh, he hunah hian Humhimi chi -52kg huangah a che ṭha ber a, a phu ang ngeiin inelna lian a hmachhawn dawn.

National Games hnuhnung berah khan Humhimi hian Mizoram tan gold medal awmchhun a lo la tawh a, ram pum huap inelnaah medal ṭhahnem tak la tawhin tun thla tir lam khan Tajikistan-ah Dushanbe Grand Prix 2023 a lo khel tawh bawk.

Mizoram Judo Association chuan Mizo nula ngeiin Asian Games a khel thei tur chu lawmawm an ti hle a, hlawhtlinna sang tak a chan ngei theihna turin duhsakna an hlan bawk a ni.