Dallas lakah Bucks an tlawm

Nimin zing khan Luka Doncic-a point 36 neih hmangin Dallas Mavericks chuan Milwaukee Bucks 136-132 in an hneh a, a thiam pariat zinga tel turin beisei an la nei chhunzawm zel.

Donic-a'n NBA a khelh china match khat bika point a hmuh hnem ber ṭum a tawng, assist vawi 19 a neih bakah rebound vawi 17 lain season kal laiah triple double vawi 17 zet a nei ta. Dorian Finney-Smith (27 points, 11 rebounds) leh Kristaps Porzingis (26 points) ten an thawhhlawk viau bawk.

Bucks hi playoff khel turin an tling chiang tawh a, nidanga an khel an phak lo deuh pawh hi a mak lo. Brook Lopez (34 points) leh Giannis Antetokounmpo (34) te khel ṭha thawkhat mah se hnehna chan nan a tawk zo lo, tun season-a a vawi 15 nan an chak lo.