TT inelna an nei ṭan

Mizoram Table Asso-ciation hnuaia awm - Aizawl South Table Tennis Association chuan nizan aṭang khan Season Opening Championship 2023 chu MTT Hall Mission Vengah an khel ṭan.

MTTA hnuaiah Aizawl District bik hi Aizawl North leh Aizawl South-ah inṭhenin, tournament a hranin an nei ve ve ṭhin. Tun ṭum Championship-ah hian Aizawl South Zone aṭangin player 124 telin category 11-ah inelna an nei ang.

Inelnaah hian Mizoram mipa number 3 Thangsiansanga leh hmeichhe number 1 Lalthansangi Sailo te an inlan dawn a, Jeho Himnakulhpuingheta leh Alberto LR Ruata erawh an tel remchang dawn lo.

Mizoram table tennis thuneitu sang ber MTTA chuan June 28-30 chhung hian MTTA Season Opening Championship a buatsaih dawn bawk a, inelna hmachhawn turin tualchhung TT player ṭha zawng zawng an sawm a ni.