Match li chhung atan Mourinho an hrem

AS Roma coach Jose Mourinho chu English referee Anthony Taylor laka a chen dan mawi lo avangin match li chhung atan hrem a ni. Europe khawmualpuia football thuneitu sang UEFA chuan hrem a nih thu hi an puang.

Europa League final-ah Roma hian Sevilla an hneh lo, he inkhelah hian boruak a sang hle. Referee Anthony Taylor chuan yellow card vawi 13 ngawt a phawrh a, heng zinga pasarih chu Roma player lam hmuh a ni.

Kum 60 mi Mourinho hi thil thlen danah a lungawi thei lo, chanchinbumite hmaah inkhel thununtu Taylor chu ṭawngkam mawi lo takin a sawisel a, stadium aṭanga match official-te motor hmanga an kal chhuak tur chu an lo tibuai bawk.

Chelsea, Manchester United leh Tottenham pawh enkawl tawh Mourinho bakah hian Roma chu season thara European game an khelh hun atan hrem an ni, khualmuala an zinchhuah hunah fans lamin ticket an lei ve thei dawn lo - hei bakah hian £47,300 an chawitir bawk a ni.