Elena Rybakina a chak lo

Wimbledon champion lai Elena Rybakina chuan grass court tournament lian ber atan inbuatsaihna a nei a, mahse Berlin WTA event-ah Donna Vekic hneh loin last 16-ah a zinkawng a tawp.

World number 23 Vekic hian seeded pahnihna Rybakina hi 6-7 (1/7), 6-3, 6-4 in a hneh, quarterfinal-ah chuan seeded chang phak lo Elina Avanesyan nen an inhmachhawn leh ang.

Australian Open finalist Rybakina hi French Open-ah pawh khan player hmuhnawm tura ngaih a ni a, mahse clay court inelna lian khelh hma deuhin hliam vangin a inhnukdawk - atan season ṭha tak a ni thei rih lo.

Inkhel dangah Caroline Garcia chuan Australian nula Jaimee Fourlis chu 6-3, 6-2 in a hneh. Seeded pathumna Garcia hi Berlin gracc-ah a inlan vawi khatna a ni a, set hloh loa chak hi atan thil lawmawm a ni ang.

July thla tir aṭangin Wimbledon khelh a ni dawn, player ṭha tan Berlin-ah hian inbuatsaihna an nei nasa, ranking sang zual 10 zinga pakua ngawt chu Berlin WTA event-ah hian an tel a ni.