Southampton manager thar Martin

Premeir League aṭanga relegate Southampton chuan manager atan Russell Martin an lalut. Season liam ta khan Saints hian manager pahnih Ralph Hasenhuttl leh Nathan Jones te an ban hman a, kum 11 chhung Premier League-a an awm hnuah Championship-ah an tla thla.

Russell Martin hian kum thum daih contract a ziak a, season liam ta khan Championship club Swansea enkawlin 10-na a nihpui. Saints boss thar chuan, "Club tak Saouthampton enkawl theihna remchang ka nei hi ka vannei. An awmna hmun tur dik tak Premier League-a an khelh leh theih nan theihtawp ka chhuah ang," tiin a sawi.

Saints hian Championship opening match-ah League One aṭanga kai thar Sheffield Wednesday an hmachhawn nghal ang.