Second Division Playoff

Aizawl DFA hnuaia Second Division-ah hmun ruak pali inchuhna chu Lammualah chhunzawm zel a ni. Nimin khan Tuithiang FC, RGSA (Republic Veng) leh Mission Vengthlang FC ten hnehna an chang. Inelna hi Inrinni hian Lammualah chhunzawm leh a ni ang.

Inelnaah hian team 30 an awm a, group pariatah ṭhendarh an ni. Group tin aṭanga a sang berin second round an lut ang a, team pariat hi group pahnihah ṭhenhran leh tur niin group khat aṭangin pahnih ve ve, Second Division khel turin an tling ang.

Inkhelh hun chhung hi minute 90 ni loin minute 80 a ni dawn a, halftime-a chawlh chhung pawh minute 15 ni loin minute 10 a ni thung dawn a ni.