Euro U21 an khel ṭan

2023 UEFA European Under-21 Championship chu June 21, Nilaini aṭang khan an khel ṭan a, inelna hi Romania leh Georgia ten a thleng. Ni hmasa berah hian inelna thlengtu Georgia chuan Portugal 2-0 in an hneh a, Ukraine-in Croatia 2-0 thoin an hneh bawk. Inkhel dangah Spain-in Romania 3-0 in an hneh a, Belgium leh Netherlands te goal awm loin an inhnehtawk.

Euro Under 21-ah hian champion lai chu Germany an ni a, kum 2021 khan final-ah Portugal an hneh. Inelnaah hian team 16 an tel a, group paliah ṭhen hran an ni. Group tin aṭangin pahnih zel quarterfinal khel turin an tling ang.

Group A-ah Georgia, Netherlands, Belgium leh Portugal an awm a, group B-ah Spain, Ukraine, Croatia leh Romania te an awm. Group C-ah Czech Republic, England, Germany leh Israel te awmin group D-ah Norway, Switzerland, France leh Italy te an awm thung.