Feyenoord coach thar Van Persie

Arsenal leh Manchester United striker hlui Robin van Persie chu a naupan laia a club Feyenoord-ah a kir leh, tun ṭumah chuan inkhel tur ni loin team enkawl turin coach a ni ang.

Kum 37 mi Van Persie hian 2018-19 season khan player a nih laia a hun hnuhnung chu Dutch club tan hian a hmang zo, tunah chuan manager Dick Advocaat thachhang dawltu a ni tawh dawn.

Netherlands inter-national hlui Van Persie chuan, "Mawhphurhna sang ber chu a ni lo mai thei, mahse team ṭhatna tura ngaihtuahna sengtu zingah ka tel tur hi ka lawm," tiin a sawi.

Van Persie hian ram tan match 102 a khelh aṭangin goal 35 a khung a, a chawr chhuahna Feyenoord tan ṭum hnih a khelh chhungin Eredivisie-ah goal 98 a khung hman bawk.