Rublev-a'n Hanfmann lakah phuba a la

Andrey Rublev chuan Yannick Hanfmann lakah straight set hmangin hnehna a chang a, grass court inelna neih lai Halle Open-ah quarterfinal a inhlangkai a, semifinal lut tur chuan Tallon Griekspoor a hneh leh a ngai dawn.

Player pahnih hi thla hmasa khan Rome khawpuiah an inkhel a, world number 6 Rublev hi a chak lo - tunah erawh Russian tlangval hian set hloh loin hnehna a chang thei a, atan chanchin ṭha a ni ang.

Rublev chuan, "Yannick hi player ṭha tak a ni a, kan intawn hnuhnung ai khan a ṭhain a hlauhawm tawh zawk, mahse ka khelh fuh ṭum a nih avangin tunah chuan a vannei zawkah ka ṭang," a ti.

Inkhel dangah Jannik Sinner chuan amah ang bawka Italian tlangval Lorenzo Sonego chuan 6-7 (4/7), 6-4, 6-4 in a hneh a, a khingpuiin a service a chhuhsak tur vawi riat ngawt a inchhanhim theih avangin a vannei hle.