August 18 aṭangin Bundesliga ṭan dawn

Germany-a football inelna sang ber Bundesliga chu August 18, 2023 aṭangin khelh ṭan a ni dawn. Inelnaah hian team 18 chauh an awm avangin round 34 chauh a awm a, round tawp ber hi May 18, 2024-ah khleh tur a ni.

Bundesliga hnuai chiaha awm Bundesliga 2 chu July 28, 2023 aṭangin ṭan a ni dawn a, May 19, 2023-ah Bundesliga 2 hi a zo ang. Relegation playoff first leg hi May 23-24, 2024-ah khelh tur a ni ang a, second leg hi May 27-28, 2024-ah khelh tura ruahman a ni.

Germany-a inelna sang berah hian Bayern Munich chu champion lai an ni a, Bavarians bakah Borussia Dortmund, RB Leipzig leh Union Berlin ten Champions Leauge an khel ang.

Schalke 04 leh Hertha BSC te an relegate a, Bundeslgia 2 aṭangin 1. FC Heidenheim leh Darmstadt 98 te an kai chho thung. Bundesliga khel tur team 18 zingah Borussia Dortmund stadium Signal Iduna Park-ah entu 81,365 lengin mipui an leng tam ber a, kai thar Heidenheim stadium Voith-Arena-ah erawh 15,000 chauh an leng thung.

Bundesliga khel tur team 18-te chu FC Augsburg, Union Berlin, VfL Bochum, Werder Bremen, Darmstadt 98, Borussia Dortmund, Eintracht Frankfurt, SC Freiburg, 1. FC Heidenheim, 1899 Hoffenheim, 1. FC Köln, RB Leipzig, Bayer Leverkusen, Mainz 05, Borussia Mönchengladbach, Bayern Munich, VfB Stuttgart leh VfL Wolfsburg te an ni.