Windies hmachhawn tur India squad an puang

BCCI chuan nimin khan thla thara West Indies hmachhawn tur India squad an puang. Men in Blue leh Windies te hian Test, ODI leh T20 series an khel dawn.

July 12-17, 2023 inkar hian Test match hmasa ber an khel dawn a, Test match vawi hnhna hi July 20-25, 2023-ah khelh leh tur a ni. ODI match thum an khel zui dawn a, July 27-ah match hmasa ber an khel ang. ODI zawhah T20 match nga an khel leh dawn bawk.

India team hi captain Rohit Sharma hoin an khel dawn a, Test squad-ah hian Yashasvi Jaiswal telh niin Navdeep Saini a rawn kir bawk. Cheteshwar Pujara erawh paih a ni thung.

Test-ah hian wicket keeper-ah KS Bharat leh Ishan Kishan te thlan an ni a, ODI-ah wicket keeper-ah Ishan Kishan leh Sanju Samson te thlan an ni thung. ODI-a Sanju Samson rawn kir hi cricket ngainatute lawmna a tling pha.

TEST Squad: Rohit Sharma (Capt), Shubman Gill, Ruturaj Gaikwad, Virat Kohli, Yashasvi Jaiswal, Ajinkya Rahane (VC), KS Bharat (wk), Ishan Kishan (wk), R Ashwin, R Jadeja, Shardul Thakur, Axar Patel, Mohd. Siraj, Mukesh Kumar, Jaydev Unadkat, Navdeep Saini.

ODI Squad: Rohit Sharma (Capt), Shubman Gill, Ruturaj Gaikwad, Virat Kohli, Surya Kumar Yadav, Sanju Samson (wk), Ishan Kishan (wk), Hardik Pandya (VC), Shardul Thakur, R Jadeja, Axar Patel, Yuzvendra Chahal, Kuldeep Yadav, Jaydev Unadkat, Mohd. Siraj, Umran Malik, Mukesh Kumar.