A vawi thum nan Mount an dawr dawn

Manchester United chuan a vawi thum nan Chelsea midfielder Mason Mount lei an dil dawn a, pound maktaduai 55 bawr vel hum chungin Blues hi an dawr dawn.

Erik ten Hag-a enkawl Man United hian squad thuam chak an tum a, an player lak duh zingah Mount hi a langsar a ni, lei tumin vawi hnih an dawr tawh a, mahse hnawlsak ve ve an ni.

Chelsea chuan an fapa duhlai Mount man atan hian pound maktaduai 70 bawr tal an phut a, mahse hei hi Man United lam chuan to an ti mah mah, a vawi thumna bak hi chu dawr nawn an tum tawh loh thu an sawi nghal.

Mount hi Blues tana player hlu bik zinga mi a ni a, mahse contract pawtsei tura an indawrna chu a hlawhchham. Hei vang hian Premier League club dang tan dawr theih a ni a, amah duhtu zingah Man United hi an langsar ber.