MFA-in AIFF Grassroots Day an hmang

Mizoram Football Association chuan June 24, Inrinni khan Lammualah AIFF Grassroots Day lawmna an buatsaih. Grassroots hi MFA hian kum 13 zet a kalpui tawh a, grassroots training naupang 100 chuang an nei mek.

MFA senior vice president PC Vanlalhruaia chuan grassroots logo thar 'Blue Clubs' a tlangzarh. MFA hian India rama grassroots kalpui ṭha ber lawmman AIFF aṭangin a dawng tawh a ni.