United leh Mount

Manchester United-in Mason Mount an la beisei reng a, chutihrualin Chelsea phalna zat pound maktaduai 65 erawh an ngam lo.

Blues hian Red Devils dilna pound maktaduai 55 chu an hnawlsak a, London club hian English international man atan hian pound maktaduai 58 bakah a chet ṭhat dan a zira pound maktaduai sarih tal an beisei.

United hian pound maktaduai 55 hma hian £40m leh £50m ten Chelsea hi an dawr tawh a, London club hian an dilna vawi thum an hnawl tawh.

Erik Ten Hag-a'n kum 24 mi Mount hi lakluh ngei a duh a, English midfielder pawhin Old Trafford pan a duh. Chelsea pawhin Mount hi chelh an duh a, mahse hlawh chungchang an inrem thei lo. Mount hian contract hi a pawtsei duh lo a nih chuan June 2024-ah a tawp dawn a, Chelsea tan pawh fimkhur a ṭul khawp ang.