Bournemouth forward thar Kluivert

Premier League club Bournemouth chuan Dutch forward Justin Kluivert chu AS Roma aṭangin an lalut a, a man zat hi tarlan ni lo mah se pound maktaduai 9.6 nia tarlan a ni a, a contract pawh 'hun rei zawk atan' tih bakin tarlan a ni lo.

Kum 24 mi forward hi Ajax, Barcelona leh Newcastle United striker hlui Patrick Kluivert-a fapa a ni a, tun dinhmunah chuan a pa sulhnu a la chhui phak lo hle.

Justin hian Ajax aṭanga a hming chherin, kum 2018 khan AS Roma pan mah se beisei a phak lo a, Bournemouth a pan hma hian RB Leipzig, Nice leh Valencia-ah te loan-in a khel - season hmasa khan Valencia tan hian match 29-ah goal riat khungin assist vawi hnih a nei bawk.