Celta Vigo manager thar Benitez

Liverpool tana Champions League nomawi chawi tawh Rafael Benitez chuan Celta Vigo a enkawl dawn, Spanish club nen hian season thum atan inremna an ziak fel tawh a ni.

Kum 63 mi Benitez hi nikum January thla khan Everton-in an ban a, a hnu lamah team enkawl a la nei leh lo. Tuna a enkawl tur Celta Vigo hi La Liga-a inhamtang hram hram an ni a, coach Carlos Carvalhal thlakin chona hautak a hmachhawn dawn.

Celta hian an league match hnuhnung berah Barcelona an hneh a, La liga table-ah 13-na ni mah se tlahniam chin aṭanga an himna chu point thum chauh a ni a, season tharah indinthar an tum ang.

Thuchhuah siamin Celte Vigo chuan, "Benitez hian hun harsa tam tak a lo paltlang tawh, kan tan pawh chanchin ṭha a rawn thlen theih ngei kan beisei," an ti. Benitez hian tun hmaun English club bakah Inter Milan, Real Madrid leh Napoli te pawh a lo enkawl tawh a ni.

Liverpool tan 2005 Champions League leh 2006 FA Cup te a lak bakah, kum 2013 khan Chelsea chu Europa League nomawi a chawipui tawh bawk.