Vawiin aṭangin ram pum huap silai inkahsiak

Mizoram Rifle Association buatsaih 14th Mizoram State Shooting Championship chu June 27-30, 2023 chhung hian MRA Shooting Gallery leh 3rd BN MAP Firing Range, Mualpuiah neih a ni dawn.

Inelnaah hian category hrang hrang 48 zet a awm dawn a, Mizorama silai kah lama tui mite district hrang hrang aṭangin an fuan khawm dawn a ni.

Inelna hi kumina North East Zonal Championship, Shillong-a awm tur atana a tel tur thlanna a ni nghal ang.

22LR 50 Metre Open Sight (Miniature tia hriat lar) bikah hian a duh apiang tan a tel theih dawn a, a hmunah a inziahluh chawp theih ang. Mizoram Rifle Association silai kah lama tuimi zawng zawngte tel vek turin a sawm a ni.