A vawi khat nan Mizoram Inbuanpui

Mizoram Indigenous Games Association chuan Mizorama a vawi khat nan Mizoram Inbuanpui an buatsaih dawn a, June 29 & 30 hian Ramhlun Indoor Stadium-ah inelna hi neih tur a ni ang.

Mizoram Inbuanpuiah hian category pali -65Kg, -75Kg, -90Kg leh +90Kg-ah te inelna neih tur a ni dawn a, a tel tur tan June 29-ah Ramhlun Indoor Stadium-ah inbukna neih tur a ni - passport photo copy khat ṭheuh ken tur a ni a, entry fee a ngai lo ang.

Inbuk hun hi June 29, Ningani, zing dar 10 aṭanga tlai dar thum thleng a ni dawn a, zan dar 7:00-ah Ramhlun Indoor Stadium-ah inelna neih ṭan nghal tur a ni dawn a ni. Hriatchian duh nei tan phone number 9485305436 leh 9863228268-ah te zawhfiah theih a ni.