Kvitova tan German Open title

Wimbledon vawi hnih champion tawh Petra Kvitova chuan grass court inelna lian atan inbuatsaihna a nei ṭha. Pathianni zan khan Kvitova hian Donna Vekic chu 6-2, 7-6(6) a hnehin German Open title a la.

Steffi Graf Stadium-a inkhelah kum 33 mi Kvitova hian Miami Open-ah pawh khan Croatian nula Vekic hi a lo hneh tawh a, tun season kal laiah vawi hnih a hnehna a ni - tennis a khelh hun chhungin nomawi 31 a chawi tling ta chiah bawk.

Czech Republic star Kvitova chuan, "Grass hi chu ka ngaina, hetiang hmuna inkhelh hi a nuam ka ti. Donna kha player ṭha tak a ni a, a vanneih ṭum ni se la chuan a chak zawk ang, kan danglamna kha vanneihna vang chauh a ni," tiin a sawi.