A vawi khat nan Bublik a champion

Alexander Bublik chuan Halle Open final-ah Andrey Rublev chu 6-3, 3-6, 6-3 in a hneh a, grass court tournament bikah a vawi khat nan a champion - Wimbledon inbuatsaihna a nei ṭha hle.

Kum 26 mi Bublik hian nomawi a la chawi tam lo hrim hrim, kum 2022 khan Montpellier Open nomawi a chawi a, tuna mi nen hian ATP Tour title pahnih a lakna a ni.

Seeded pathumna Rublev hi chak tura rinkai leh buk rit zawk a ni, mahse Bublik-a service ṭha tak lak a harsa, a khingpui service a chhuhsak chhunah set lak nan hmang mah se, set pahniha service a hloh chu a tuar.