Sampdoria coach thar Pirlo

Juventus manager hlui Andrea Pirlo chuan season thar aṭangin Sampdoria a enkawl dawn. Italy rama football inelna sang pahnihna Serie B team nen hian kum hnih daih inremna an ziak.

Kum 44 mi Pirlo hian Juventus chu 2020-21 season khan a lo enkawl tawh a, nomawi pahnih Coppa Italia leh Italian Super Cup te a lakpui - mahse Serie A lamah palina an nih avangin a hna a chelh chhunzawm thei lo.

Turkish Super Lig lamah Fatih Karagumruk a enkawl leh a, mahse league-ah pasarihna niin May thla khan an thawhdunna an ti tawp, a hnu lamah chuan tun ṭum hi hna a neih lehna hmasa a ni.

Italian manager Pirlo tan hna a awlsam dawn lo, season hman zawh takah khan Sampdoria hi Serie A aṭangin an tla. Season hmasa khan coach pahnih Marco Giampaolo leh Dejan Stankovic te nei hman mah se an inhamtang zo lo.