De Gea chungah United rinawm lo

David de Gea chuan Manchester United nena an inremna hmasa angin contract pawhsei duh mah se club hian an inremna hmasa hi an thlak. Spanish goalkeeper hian tuna kar khata a hlawh £375,000 chu nasa taka tih hniam a pawm a, Man United hian chu aia tih hniam chu an la duh.

Man United hian De Gea hnenah rawtna thar an thlen leh tawh a, June 30-a contract tawp tur Spanish keeper hian a la pawm lo. Kum 32 mi De Gea hian inelna sang bera khelh la duh mah se Man United thutlukna avangin a hmalam hun a chiang lo.

De Gea aiawhte leh Man United aiawh an indawr mek a, Spanish keeper hian a pawm dawn em tih a la hriat loh. Saudi Arabia lam pawhin De Gea hi an duh a, United nen an inrem thei lo a nih chuan Spanish keeper hi Cristiano Roanldo hnung zuia Saudi lam pan thei dinhmunah a ding.

Atletico Madrid aṭanga Manchester United zawmtu De Gea hian season liam ta khan a vawi hnih nan Premier League Golden Glove a dawng a, season ṭha tak hmang mah se a ke hmanga ball sem a thiam tawk loh avangin Erik Ten Hag-a'n Spanish keeper thlakna tur hi a zawng nia ngaih a ni.