March thlaah Pro Volleyball

Mizoram Volleyball Association (MVA) leh LPS Vision chuan kumin chhungin Pro Volleyball League an buatsaih leh dawn a, tualchhung volleyball inelna lian hi March thla tawp lama khel ṭanin April thlaah zawh a ni ang.

Inelna hi R. Dengṭhuama Indoor Stadium, Mualpuiah khelh tur a ni leh dawn a, a vawi ngana tur a ni ang. Ruahman dan chuan MVA hnuaia Pro Division club, mipa team paruk leh hmeichhia team pali an tel dawn. A vaiin inkhel vawi 25 awm tura ruahman a ni.

Kum 2016 khan a vawi khat nan Pro Volleyball League buatsaih a ni a, nikum thleng khan tluang taka neih a ni. MVA general secretary C. Lalrokhuma chuan Pro Volleyball an buatsaih aṭangin Mizoram volley-ball-in kawng hrang hranga hma a sawn bakah a darh phah hle niin a sawi. Puitea chuan, "Decem-ber-a neih zawh tak Mizoram State Games-ah bial tin aṭangin mipa team an chhuak vek a, bial 36 aṭangin hmeichhe team an inel bawk. Team inelna zingah volleyball-a chhuak an tam ber a, hei hi Pro Volleyball rah langsar tak a ni," a ti.