Mizoram XCO hmasa ber hlawhtling: Pakhatna - Mesak, Michael leh Ruata

Mizoram Cycling Association (MiCA) chuan a vawikhat nan nimin khan Muthi ramah cycle hmanga kawng bumboh leh chhuk chho a intlansiak Cross-Country Olympic (XCO) chu hlawhtling takin an buatsaih.

XCO 2023-ah hian inelna category pathum a awm. Elite-ah Mesak Vanlalvena chu pakhatna a ni a, Master-ah Michael Lalremruata chu pakhatna niin Junior-ah Vanlalruata chu pakhatna a ni thung.

Inelna hi Cycling Federation of India-a joint secretary Dr. Tapan Das leh Cycling Association of Assam joint secretary Dibyajyoti Rajkhowa ten an rawn chhim a ni.