India leh Wimbledon

Tennis tournament zinga upa berah hian India player-te pawhin sulhnu an nei, kum 50 liam ta daih tawh khan India tlangval Ramanathan Krishnan chuan semifinal a lo zuk khel zak zak tawh.

Ramanathan Krishnan hian All England Club-ah khuan kum 1960 leh 1961 te khan semifinal a lut a, singles huangah chuan a suklhnu anga ropui hi tun thlengin Indian zingah nei thei an la awm leh lo.

Kum 1905 khan a vawi 29 nan Wimbledon an khel a, India ram aṭanga chawr chhuak B Nehru chu Great Britain aiawhin a inlan a, first round-ah a bye bakah a match hmasa bera a khingpui tur Robert Hough a inlan loh avangin third round a inhlangkai a ni.

Indian player zinga mipa singles match khel hmasa ber erawh Sirdar Nihal Singh a ni a, kum 1908 khan telin a match hmasa berah tualchhung mi Herbert Wilson Fox chu 11-9, 6-2, 6-4 in a hneh lo. Hmeichhe singles lamah Jenny Sandison (1929) chu tel hmasa ber a ni bawk.

Hun a kal zel a, Open Era rawn her chhuakin Leander Paes leh Mahesh Bhupathi te chuan 1999 khan mipa doubles huangah nomawi an chawi a, hmeichhe player zingah Sania Mirza leh a ṭanpui Martina Hingis te chuan 2015 khan doubles nomawi an chawi bawk a ni.