Saudi club enkawl tur Robbie Fowler

Liverpool legend Steven Gerrard-a'n Saudi Pro League aṭanga sawmna hnar mah se, amah ang thoa Liverpool legend Robbie Fowler erawhin Saudi pan a hnial lo a, second division club a la enkawl dawn zui!

Kum 48 mi Fowler hian Saudi second division club Al-Qadsiah FC a zawm a, Indian Super League club East Bengal nen an inṭhen hnua club a enkawl leh hmasak ber tur a ni - League One club Oxford United-ah hun hmang zuai mah se, coach puitling angin a pui lem lo a ni.

Fowler hian kum 2011 khan Thailand club Muangthong United aṭanga a coaching career ṭanin, Australian club Brisbane Roar chu 2019-2020 kha a lo enkawl tawh bawk.

Al-Qadsiah chuan, "Liverpool leh English Premier League chanchina an player lar ber pawl Robbie Fowler chuan Qadisiyah Coach hna a chelh dawn e," tiin twitter lamah an tarlang a ni.

Season hman zawh takah khan Al-Qadsiah hi Saudi second division lamah hian 11-na an ni thei hram a, Saudi Pro League kai thei chin palina an phak lohna chu point 23 ngawt a tling - Fowler hoin hna ropui thawh theih an beisei ang.