Armed Veng an dingchang

Second Division Playoff-ah Armed Veng FC chuan nimin khan Chanmari West FC 1-1 in an draw hram a, second round an lut. West Warrior erawh huaisen takin khel mah se an vanneih ṭum a ni lo.

Nimin Lammual inkhelah hian Chanmari West-in second round lut turin chak an mamawh a, inkhelh ṭan phat aṭangin na takin an nawr nghal. First half-ah goal a lut lo a, second half-ah Hmingthanpuia hmangin an khung.

Chanmari West an khelh ṭhat lai takin chhum zin vangin inkhelh chawlh a ngai a, Armed Vengin insiamṭhat nan an hmang. Armed Vengin mawi zetin Chanmari West midfield leh tlarhnung an ṭhiat a, captain Eric Lalsangzuala'n minute 72-naah siphurh sutna goal pawimawh a khung a, 1-1 in inkhel a tawp.

Aizawl DFA buatsaih Second Division Playoff hi vawiinah khelh a ni dawn lo a, July 3, Thawhṭanni hian khelh chhunzawm a ni ang.