Shooting championship an zo

Mizoram Rifle Association buatsaih 14th Mizoram State Shooting Championship June 27-30 chhung khan MRA Shooting Gallery, Mualpui leh 3rd Bn. MAP Firing Range, Mualpuiah te neih a ni.

Inelna pasarihah ṭhenhran niin, hengte hi category hrang hrang 46-ah Affiliated District Association pakua leh Mizoram Police Unit aṭangin Affilated Shooter 112 te an intihsiak a ni.

Intihsiaknaah hian PC Biakmawia (kum 72), Lunglei chu Affiliated Shooter upa ber a ni a, Malsawmsangi (kum 12), Lawngtlai chu Affiliated Shooter naupang ber a ni.

District hrang hrang medal lak dan:

1. Aizawl District - 43

2. Police Shooting Club - 19

3. Saitual District - 17

4. Lunglei District - 11

5. Lawngtlai District - 10

6. Serchhip District - 4

7. Siaha District - 1