Techmaze TT Club Mission Veng an champion

MTTA Season Opening Table Tennis Championship chu July 28-30, 2023 khan MTTA Hall, Mission Vengah neih a ni a, Techmaze TT club an champion. Mission Veng club hian gold medal panga an la a, an che ṭha ber.

Mizo TT thiam ber chu Techmaze TT Club player Jeho Himnakulhpuingheta a ni chhunzawm a, hmeichhe lamah Lalthansangi Sailo (Tebawihi), Techmaze TT Club el pha an awm lo. Jeho leh Tebawihi te hi Central YMA Inter Branch TT inelnaah khan mipa leh hmeichhe inelnaah an champion ve ve a, tun dinhmuna mipa leh hmeichhe TT thiam ber an ni.

Kum 2023-2024 chhunga Mizoram Table Tennis Association buatsaih, tournament hmasa ber MTTA Season Opening Table Tennis Championship-ah hian category 16 a awm. Chung category te chu Hope under 11, Cadet under 13, Sub Junior under 15, Junior under 17, Youth under 19, Men' Singles leh Women's Singles, Above 30, Men's Doubles leh Mixed Doubles te an ni.

Inelnaah hian Aizawl pawn district pali - Hnahthial, Kolasib, Lunglei leh Serchhip an tel a, Aizawl North leh South huam chhung aṭangin club 16 Chanmari, Chhinga Veng, Daphalsa, Darlawn, Electric Veng, Mizoram Police, Mission Vengthlang, Model Veng, Ramhlun Vengthar, Synod, Techmaze, Ṭhawngaleivir, Tuivamit, Vaivakawn, Zemabawk leh Zote an tel thei a ni.

He Tournament-a inelna ngaihhlut ber, Men's Singles-ah Jeho Himnakulhpuingheta, Techmaze TT Club leh Women's Singles ah Lalthansangi Sailo, Techmaze TT Club te an Champion.

Category pangaa gold la thei Techmaze Table Tennis Club, Mission Veng te chu overall champion an ni.