Brighton-in Netherlands U21 keeper an la

Brighton & Hove Albion chuan Netherlands Under 21 goalkeeper Bart Verbruggen chu Anderlecht aṭangin an lalut a, a man zat hi pound maktaduai 16.3 a ni. Kum 20 mi Dutch keeper hian kum nga daih contract a ziak.

Seagulls head coach Roberto De Zerbi chuan, "Bert kan lalut thei hi ka lawm. Kan khelh dan phung leh a khelh dan hi a inmil a, harsatna nei loin kan team-ah a tel thei ang," tiin a sawi.

Verbruggen hi nikum December thla aṭang khan Anderlecht-ah rinrawl a ni ṭan a, Belgian Pro League-ah match 17 khelin Anderlecht player of the season-a thlan a ni.