Second Division Playoff

Aizawl DFA buatsaih Second Division khel tur zawnna chu Lammualah khelh chhunzawm zel a ni. Nimin khan Aizawl South FA chuan FC Tlangnuam 2-0 in an hneh a, group C aṭangin second round an lut.

Group D inkhelah Orison FC chuan Friends FC 5-3 in an hneh a, hemi hma hian Grace Academy FC leh Home Mission FC te hneh tawh bawkin second round an lut ve bawk.

Aizawl South FA leh Orison FC te hma hian group A aṭangin Reuben FC leh group B aṭangin Armed Veng FC ten second round an lut tawh bawk. Vawiin hian match li khelh tur a awm a, second round lut tur team pahnih a hriat belh ang.