Dortmund-in Nmecha an lalut

Borussia Dortmund chuan Wolfsburg aṭangin Felix Nmecha chu euro maktaduai 30 in an lalut a, German striker hian June 2028 thleng daih contract a ziak.

Kum 22 mi Nmecha hi Hamburg-a piang ni mah se a naupan laiin England-ah an pem. Nmecha nu hi German a ni a, a pa hi Nigerian a ni thung. Manchester City aṭanga inzir chhuak a; England, Germany leh Nigeria tan a khel thei vek.

Nmecha hian a chenna ram England Under 16 tan a khel a, Germany U18 tana khelh hnuah England U18 leh U 19 tan khel lehin kum 2022 khan Germany U21 tan a khel leh a, Germany senior team tana khelh tawh avangin a ram khelhna a thlak thei tawh lo thung.

Felix hi Lukas Nmecha nau a ni a, kum 24 mi Lukas pawh hi Man City aṭanga Wolsburg pantu tho a ni. Ani erawh Wolsburg tan a la khel dawn.