Taliban-in hmeichhiate beauty salon siam a khap

Afghanistan-a roreltu, Taliban chuan hmeichhia khuahkhirhna a siam belh zel. An ram khawpui, Kabul leh province hrang hrangah hmeichhiate'n beauty salon an siam a khap thar leh.

Taliban ministry of vice and virtue thupuangtu, Mohammad Akif Mahajar chuan khapna siam thar hi puangin, a bikin Kabul municipality chu dan hi keng kawh nghal tura hriattirin, hmeichhe beauty salon siam chu an license tihtawpsak nghal turin a ti.

Hemi hma hian Taliban sorkar chuan hmeichiate chu class 6 chung lam tan school leh university an kal a khap a, NGO tana an thawh pawh khapin, vantlang hmun -park, cinema leh recreation area dangah pawh an laina mipate tel loa an kal a lo khap tawh bawk. April thla khan Henan province-ah chuan hmeichiate chu restaurant-a kal an khap bawk a ni.

Hmeichhia hrek leh khuahkrih an nih avangin ram hrang hrangte'n Taliban sorkar hi an sawisel fo a, mahse, khapna hi an la siam belh zel tho a ni.