Pachak leh Nuchak inelna bul an ṭan

Mizoram pachak leh nuchak ber zawnna chu Thawhlehni zan aṭang khan Chanmari YMA Hall-ah neih ṭan a ni.

Inelna hi Mizoram Powerlifting Association (MPA) leh Zonet Cable TV Pvt Ltd ṭangkawp in an buatsaih a ni a, a hawn zan hian Single Arm Dumbell Press hmanga inelna neih nghal a ni.

Nimin khan inelna hi neih chhunzawm leh niin mipain Farmers Walk (180 kgs) leh Truck hnuh kal an bei a, hmeichhe lamin Farmers Walk (80 kgs) an bei thung. Ruahman dan chuan July 7, Zirtawpniah an chhunzawm leh ang.