Mane-a'n Bayern chhuahsan dawn

Bayern Munich-ah Sadio Mane a che ṭha tawk lo a, Liverpool aṭanga Bavarians zawmtu Senegalese forward hian tun nipuiah Allianz Arena a chhuahsan ngei rin a ni.

Saudi Arabia club lamin Mane hi an ngaihven a, dawrtu tak erawh a la nei lo. Roberto Firmino laluttu Al Ahli-in Mane hi an dawr dawn niin an sawi a, kum thum daih contract an zawrh ang.

Mane hian a hmalam hun a la tichiang lo a, player thutlukna hi a pawimawh dawn. Al Ahli lam chuan Firmino leh Mane te hi khelmualah inkawptir leh ngei an tum thung.