Benfica-ah Di Maria a kir

FIFA World Cup 2022-a Argentina champion team zinga mi Angel di Maria chuan Europe-a bul a ṭanna Benfica a zawm. Kum 35 mi Di Maria hi Rosario Central aṭanga inzir chhuak niin a club khelhna hmasa ber chu Benfica hi a ni.

Argentine winger Di Maria hian Benfica aṭangin Europe club ṭha Real Madrid, Manchester United, Juventus leh PSG tan a khel tawh a, nomawi pawh a chawi hnem tawh hle.

Season liam ta khan Di Maria hi Juventus tan a khel a, Old Lady tan hian league match 26 aṭangin goal li a khung. June thla tawp khan Di Maria contract hi a tawp a, a thlawnin Portuguese club hi a zawm.

Di Maria hian club lamah sulhnu a nei ṭha a, ram tan pawh record a nei ṭha tho. FIFA U-20 World Cup-ah Argentina a champion pui a, Olympic Games 2008-ah gold medal a lakpui. A ropui ber erawh World Cup a ni a, hemi hma hian Copa America a chawi bawk a ni.