Milwall neitu Berylson a thi

Championship club Millwall neitu leh chairman John Berylson chu Thawhelhni khan chetsualna runthlak avangin a thi. Nimin thleng khan kum 70 mi Berylson-a thih dan hi chiang taka tarlan a ni lo.

American sumdawng hausa Berylson hian kum 2006 aṭangin Championship club-ah intatlut ṭan a, a hnu lamah neitu nihna a chang chho zui. Berylson hian a nupui Amy leh a fate pathum Jennifer, James leh Elizabeth te a kalsan a ni.

Millwall neitu Berylson hi a hnuaia thawk bakah player leh fan-ten an ngaina a, uitu pawh a ngah hle. Millwall right-back hlui Alan Dunne chuan, "Kan chairman chauh ni loin kan ṭhinapa a ni a, ka ui takzet a ni. Amah hi pa fel tak a ni a, a awm hnuah Millwall-in kawng dik zawh chhoin kei leh Millwall tana a hnathawh avang hian a chunga lawmthu sawi hi ka bat a ni," tiin a sawi.

Player, fan leh club ten an ui thu an sawi a, an hmelma West Ham pawhin, "West Ham United chuan John-a chhungte, ṭhiante leh Millwall FC te inchhiattawhnaah kan tawrhpui takzet che u," tiin thuchhuah an siam.