Brereton Diaz-a'n Villarreal a zawm

Chile international striker Ben Brereton Diaz chuan Blackburn Rovers-ah a contract a hmang zo a, Spanish club Villarreal-in a thlawnin an lalut. Kum 24 mi striker hian January 2019 khan kum 2019 khan a nghetin Nottingham Forest aṭangin Blackburn hi a zawm a, Riversiders (Blackburn sawina) ah hian loan hmangin season khat a khel tawh bawk.

Season nga chhungin Brereton Diaz hian league-ah match 160 khelin goal 45 a khung a, season liam ta khan match 43 a khel tling. Manchester United academy-ah pawh awm tawh Brereton Diaz hi England youth team tan khel ṭhin mah se senior team-ah Chile tan a khel ta zawk. Chile tan hian match 20-ah goal sarih a khung a, Yellow Submarine-a hmun pawimawh chang tur chuan a ṭhat dan bera a khelh chhuah ṭul thung ang.