Second Division Playoff Team pariatin second round an lut

Nimin khan Aizawl DFA buatsaih Second Division Playoff first round chu khelh zawh a ni. Group G-ah Chhinga Veng FC Jr.-in Edenthar FC 2-0 in an hneh a, amaherawhchu an group-ah team thum chauh an awm avangin vawi hniha vawi hnih chak thei Ramhlun Vengthar FC-in second round an lut.

Match hnuhnung zawkah Khawlhring FC leh Chite Veng FC te inkhel tur an ni a, beisei tur nei tawh loh avangin an inlan lo ve ve. Group H aṭangin Ramhlun FC-in first round an paltlang. Second round-ah team pariat an la dam a, chungte chu Reuben FC, Aizawl South FA, Armed Veng FC, Orison FC, Tuithiang FC, Ramhlun Vengthar FC, Mission VT FC leh Ramhlun FC te an ni.

Group A-ah Reuben FC, Aizawl South FA, Armed Veng FC leh Orison FC te an awm a, vawi khat ṭheuh an inkhelh kual hnuah a sang pahnihin Second Division khel turin an tling dawn. Group B-ah Tuithiang FC, Ramhlun Vengthar FC, Mission VT FC leh Ramhlun FC te an awm a, heta ṭang hian team pahnih bawk an tling ang.