PSG-in Asensio leh Skriniar lalut

Paris St-Germain-in Marco Asensio leh Milan Skriniar te a thlawnin an lalut. Asensio hian Real Madrid aṭangin Paris hi a pan a, Skriniar hian Inter Milan aṭangin Paris hi a pan ve bawk.

Spanish forward Asensio hian June 2026 thleng contract a ziak a, Slovakia international Skriniar hian June 2028 thleng contract a ziak thung.

PSG-in Luis Enrique an lakluh thu an puan aṭanga ni khatnaah player pahnih an lakluh thu hi an puang. Kum 28 mi Skriniar chuan, "PSG hi khawvela club ṭha ber zinga mi an ni a, world class player an kawl hnem bakah fan an nei ṭha bawk. Hetiang club ṭha zinga ka tel thei hi ka lawm a ni," tiin a sawi.

Skriniar hian kum 2020-21 khan Inter chu Serie A-ah a champion pui a, Italian club hi nomawi panga a chawipui. Asensio hian kum sarih chhungin Real Madrid nomawi 16 a chawipui ve bawk.