Inter-ah Calhanoglu leh Bastoni an nghet

Inter Milan chuan an player pawimawh pahnih Alessandro Bastoni leh Hakan Calhanoglu te chu kawl chhunzawm zel turin contract an ziah pui, season hmasa lama an hman thiam an nih avangin club tan chanchin ṭha a ni ang.

Champions League final luhpuitu zinga pakhat Turkey captain Calhanoglu hi kum 2027 thleng daih contract an ziah pui a, defender Bastoni hi season thar lo awm tur atan hian inremna an neih pui bawk.

Calhanoglu hian an hmelma AC Milan aṭangin Inter hi season hnih liam ta khan a zawm a, season hmasa khan inelna hrang hrangah match 49 aṭanga goal ruk khungin a khingpuite khung tur vawi thum a siamsak tawh bawk a ni.

Kum 24 Bastoni hi tlarhnung laia player pathum ding zinga pakhat a ni a, hmuh pawimawk tak changin season hmasa khan inelna hrang hrangah match 46 a khel thung.

Inter hian tun nipui bazar chhungin France forward Marcus Thuram leh Davide Frattesi te an lalut tawh. Season hmasa khan Serie A-ah pathumna niin champion Napoli chu point 18 ngawtin an phak lo a, kuminah Naples club el phak an tum dawn.