Second Division Playoff : Vawiin aṭangin second round khel ṭan dawn

Aizawl DFA buatsaih Second Division Playoff second round chu vawiin aṭangin Lammualah khelh ṭan a ni dawn. Team riat chauh an dam tawh a, group pahnihah ṭhen niin group khat aṭangin pahnih ve ve Second Division khel turin an tling dawn.

Group A-ah Reuben FC, Aizawl South FA, Armed Veng FC leh Orison FC te an awm a a, group B-ah Tuithiang FC, Ramhlun Vengthar FC, Mission VT FC leh Ramhlun FC te an awm bawk.

Vawiin hian team pariat an inlan vek dawn a, match tin hi a pawimawh nghal vek ang. Second Division-ah hian team 12 an awm sa a, chungte chu Zemabawk North FC, Ramhlun North FC, Venghlui FC, Chaltlang FC, Saikhamakawn FC, Zonuam FC, College Veng FC, FC Armed Veng South, Sihhmui FC, Hlimen FC, Lengpui FC leh FC Zotlang te an ni.