Luton captain-in contract thar ziak

Premier League kai thar Luton Town captain Tom Lockyer-a'n contract thar a ziak a, a contract sei zawng erawh an tarlang lo. Kum 28 mi Lockyer hian nimin aṭang khan pre season training a ṭan.

Lockyer hi playoff final-ah lung lam chian loh vangin a tlu a, tunah erawh a dam tawh. May thla tawpa Luton-in Coventry an hneh ṭum khan Lockyer-a hi minute riatna lekah a tlu a, a chanchin hian ngaihven a hlawh phah. Tunah erawh a dam chiang tawh thung.

Luton manager Rob Edwards chuan Lockyer contract thar an ziah chu chanchin lawmawm a nih thu a sawi. Edwards chuan, "Luton ṭantuten Tom-a ṭhatzia an hmu a, match tina theihna anga khel chhuak thei player a ni," tiin a sawi.

Premier League match hmasa berah Luton hian Brighton an hma-chhawn ang.