Bangladesh ODI captain a chawl

Bangladesh ODI captain Tamim Iqbal chuan Cricket World Cup khelh hma thla thum chauh a awm tawh tihin ram tana inkhelh a chawlhsan. Kum 34 mi Tamim hian ODI chauh ni loin T20 leh Test a chawl tawh bawk a ni.

Bangladesh hian Afghanistan nen ODI series an khel mek a, match hmasa berah July 6 khan Tigers hi 17 runs-in an chak lo. Inkhelh zawhah Tamin hian a chawlh thu hi a puang.

Tamim chuan, "Thutlukna siam thut ka ni lo a, hun rei tak ka ngaihtuah tawh. Ka chhungte nen pawh kan sawi ho a, a hun takah ka chawlah ka ngai," tiin a sawi.

Bangladeshi zingah Tamim chauh hi T20, ODI leh Test-a century siam vek thei a ni a, kum 2022 khan T20 a chawlhsan tawh bawk.