Kulikawn ngam loh Gorkha

Nimin khan Cricket Association of Mizoram hnuaia I Division club pariatte inelna First Division One Day Tournament 2020 chu khelh chhunzawm a ni a, tun hnaia tualchhung team ṭha pahniha chhal ngam inkhelah Gorkha chuan Kulikawn lakah wicket hnihin hnehna an chang.

Ramhlun Sports Complex-a inkhelah Gorkha lam hi ṭhum vawrah vannei zawkin vawm hmasak an thlang. Player of the Match atana thlan Vinit Kumar chuan over 10 a vawm aṭanga run 17 chauh pein wicket li a la a, over 50 an vuakah Kulikawn lam hi run 159 siamin an thi vek.

President's Cup 2019 final-ah Gorkha hian Kulikawn hi wicket sarihin an hneh tawh a, tun ṭumah pawh hian inrintawkna an nei sang. Over 33.2 an vuakah run 163 tlinin mi pariat an in hloh a, an elpui team ṭha lakah hnehna an chang.